நியூ ஜெர்சியில் உள்ள மெட்லைஃப் மைதானத்தில் பிரேசில் மற்றும் நோர்வே அணிகளுக்கு இடையே நடைபெற்ற 2026 ஃபிஃபா உலகக் கிண்ணத்தின் காலிறுதிக்கு முந்தைய சுற்று மோதல், ஐந்து முறை சாம்பியன் பட்டம் வென்ற பிரேசில் அணிக்கு பெரும் ஏமாற்றத்தை அளித்தது.
இது அந்த அணிக்கு ஒரு அதிர்ச்சிகரமான தொடர் வெளியேற்றமாகவும், நெய்மரின் கடைசி சர்வதேசப் போட்டியாகவும் அமைந்தது.
கால்பந்தாட்டத்தின் மிகவும் துடிப்பான திறமையாளர்களில் ஒருவரான நெய்மர், நோர்வேயிடம் 2–1 என்ற கணக்கில் தோல்வியுற்றால் பிரேசிலின் பயணம் திங்களன்று மோசமான முறையில் முடிவுக்கு வந்ததையடுத்து கண்ணீர் விட்டார்.
போட்டியின் பின்னர், தேசிய அணிக்காகத் தான் விளையாடிய கடைசி ஆட்டம் இதுதான் என்பதை, மிகுந்த மனவேதனையுடன் நெய்மர் உறுதிப்படுத்தினார்.
இது குறித்த அறிவிப்பில் நெய்மர்,
போட்டியில் வெல்ல நான் எவ்வளவோ முயன்றேன், ஆனால் இப்போது எல்லாம் முடிந்துவிட்டது, நான் இங்கேதான் தொடங்கினேன், இங்கேதான் முடிக்கிறேன் – என்று நியூ ஜெர்சியில் உள்ள அந்த மைதானத்தைச் சுட்டிக்காட்டினார்.
2010 ஆம் ஆண்டில் அமெரிக்காவுக்கு எதிரான நட்புரீதியான போட்டியின் மூலம் பிரேசில் அணிக்காக அவர் தனது அறிமுக ஆட்டத்தை இதே மைதானத்தில்தான் விளையாடியிருந்தார்.
நோர்வேக்கு எதிரான ஆட்டத்தில் மாற்று வீரராகக் களமிறங்கிய அவர், ஆட்டத்தின் இறுதி நிமிடங்களில் பெனால்டி வாய்ப்பின் மூலம் கோல் அடித்தபோதிலும், அது அவரது அணியைக் தோல்வியிலிருந்து காப்பாற்றப் போதுமானதாக அமையவில்லை.
34 வயதான நெய்மர், 130 போட்டிகளில் 80 கோல்கள் மற்றும் 58 கோல் உதவிகளுடன் (assists) தனது பிரேசில் அணி வாழ்க்கையை நிறைவு செய்கிறார்.
கழக அளவிலான போட்டிகளில் பல கிண்ணங்களை வென்று சிறப்பான வாழ்க்கையைக் கொண்டிருந்தாலும், பிரேசில் அணிக்காக இவர் வென்ற ஒரே முக்கிய கிண்ணம் 2013 ஆம் ஆண்டுக்கான ‘கான்ஃபெடரேஷன்ஸ் கிண்ணம்’ (Confederations Cup) மட்டுமே ஆகும்.
நோர்வேயுடனான தோல்வியுடன் சூப்பர் 16 சுற்றுடன் (Round of 16) வெளியேறியது, 1990-க்குப் பின்னர் உலகக் கிண்ண நாக்-அவுட் சுற்றில் பிரேசில் மிக விரைவாக வெளியேறிய நிகழ்வாகவும் அமைந்துள்ளது.
உலகக் கிண்ண வரலாற்றிலேயே மிகவும் வெற்றிகரமான அணியான பிரேசில், தனது முதல் வெற்றிக்குப் பின்னர் நீண்ட காலமாக இந்தக் கிண்ணத்தை வெல்ல முடியாத ஒரு சூழலை எதிர்கொண்டுள்ளது.
5 முறை உலக சாம்பியன் ஆகிய பிரேசில் அணி இறுதியாக 2022 ஆம் ஆண்டில் ஜெர்மனியை வீழ்த்தி பட்டம் வென்றிருந்தமையும் குறிப்பிடத்தக்கது.
