கம்பஹா மாவட்டத்தில் உள்ள முஸ்லிம் மசூதிகளின் மேம்பாட்டிற்காக ரூ. 10 மில்லியன் அரசு மானியம் வழங்கப்பட்டுள்ளதாக புத்தசாசனம், சமய மற்றும் கலாச்சார விவகாரங்கள் அமைச்சகம் தெரிவித்துள்ளது.
42வது தேசிய மிலாதுன் நபி அரச விழாவையொட்டி இந்தத் திட்டம் செயல்படுத்தப்படும் என்று கூறப்பட்டுள்ளது.
சமயத் தலங்களை வலுப்படுத்துவதையும், நல்லிணக்கம் நிறைந்த எதிர்காலத்தை உருவாக்குவதையும் நோக்கமாகக் கொண்டு இந்தத் திட்டம் செயல்படுத்தப்படுகிறது.
இதற்காக புத்தசாசனம், சமய மற்றும் கலாச்சார விவகாரங்கள் அமைச்சகமும், முஸ்லிம் சமய மற்றும் கலாச்சார விவகாரங்கள் துறையும் தேவையான நடவடிக்கைகளை எடுத்துள்ளன.
இதற்கிடையில், 42வது தேசிய மிலாதுன் நபி அரச விழாவையொட்டி “எங்கள் மசூதிக்கு வருக” என்ற நல்லிணக்க நிகழ்ச்சியும் ஏற்பாடு செய்யப்பட்டுள்ளது.
அதன்படி, நாட்டில் உள்ள பிற மதங்களைச் சேர்ந்த அனைத்து சகோதர சகோதரிகளுக்கும் ஒரு முஸ்லிம் மசூதியின் உள் கலாச்சாரம், வரலாறு மற்றும் சமய அனுசரிப்புகளைக் காணும் வாய்ப்பு கிடைக்கும்.
இது தொடர்பாக முகநூல் பதிவில், பரஸ்பர புரிதல், மரியாதை மற்றும் நல்லெண்ணத்தை வளர்ப்பதன் மூலம் ஒன்றுபட்ட இலங்கையைக் கட்டியெழுப்ப நல்லிணக்கப் பாலத்தை அமைக்க அனைவரும் கைகோர்க்க வேண்டும் என்று அமைச்சர் விஜித ஹேரத் கேட்டுக்கொண்டார்.
மேலும், பெரியமுல்ல ஜும்மா மஸ்ஜித் மற்றும் நீர்கொழும்பு மஸ்ஜித் ஆகியவை ஆகஸ்ட் 24 ஆம் திகதி காலை 9.30 மணி முதல் அனைவருக்கும் திறந்திருக்கும் என்றும் அந்தப் பதிவில் குறிப்பிடப்பட்டுள்ளது.
