ஜப்பானில் நடைபெற்று வரும் ஆசிய விளையாட்டுப் போட்டிகளின் மகளிர் கிரிக்கெட் தொடரின் இறுதிப் போட்டிக்கு இலங்கையை அழைத்துச் செல்லும் வகையில், சாமரி அதபத்து ஆட்டமிழக்காமல் 50 பந்துகளில் 83 ஓட்டங்கள் (இதில் ஆறு சிக்ஸர்கள் அடங்கும்) குவித்தார்.
ஷவால் ஜுல்பிகர் மற்றும் ஆயிஷா ஜஃபர் ஆகியோர் தலா 50 ஓட்டங்கள் மேல் எடுத்ததன் மூலம் முதலில் துடுப்பெடுத்தாடிய பாகிஸ்தான் அணி 178 ஓட்டங்கள் என்ற இலக்கை நிர்ணயித்திருந்தது.
அந்த இலக்கை வெற்றிகரமாக எட்டியபோது, இலங்கை அணி தனது அதிகபட்ச ரன்-சேஸ் (run-chase) சாதனையை சமன் செய்ய சமரியின் இந்த ஆட்டம் உதவியது.
ஆட்டத்தின் தொடக்கத்தில் அதபத்து நிதானமாகவே விளையாடினார்; அவரது தொடக்க ஆட்டக்காரர் இணையான இமேஷா துலானி, இலங்கை அணியின் வெற்றி இலக்கை நோக்கிய பயணத்திற்கு உடனடி உத்வேகம் அளித்ததால் அவரால் அவ்வாறு நிதானமாக இருக்க முடிந்தது.
துலானி முதல் நான்கு ஓவர்களிலேயே ஐந்து பவுண்டரிகளை விளாசி, 21 பந்துகளில் 27 ஓட்டங்கள் எடுத்து ஆட்டத்தின் போக்கை நிர்ணயிக்கும் வகையிலான ஒரு தொடக்கத்தை அமைத்துக்கொடுத்தார்.
அந்த நிலையில், அதபத்து 9 பந்துகளில் 4 ஓட்டங்கள் மட்டுமே எடுத்திருந்தார்.
பவர்பிளே (powerplay) நிறைவடைந்தபோது, அவர் 12 பந்துகளில் 7 ஓட்டங்கள் எடுத்திருந்ததோடு, ஒரு பவுண்டரியைக் கூட அடிக்கவில்லை.
ஆட்டத்தின் வேகம் எட்டாவது ஓவரில் மாறியது; அந்த ஓவரில் அவர் மோமினா ரியாசத் பந்துவீச்சில் 6, 4, 6, 4 என ஓட்டங்களை குவித்தார்.
ஆட்ட்தில் இடது கை சுழற்பந்து வீச்சுக்கு எதிரான தனது சாதகமான சூழலைத் தொடர்ந்து முழுமையாகப் பயன்படுத்திக்கொண்டார் அதபத்து.
10-வது ஓவரில் நஷ்ரா சந்துவின் பந்துவீச்சில் இரண்டு பவுண்டரிகள் மற்றும் ஒரு சிக்ஸரை விளாசி, வெற்றிக்குத் தேவைப்படும் ரன்-பந்து விகிதத்தை 60 பந்துகளில் 90 ஓட்டங்கள் என்ற நிலைக்குக் கொண்டுவந்தார்.
வெற்றிப் பாதை அவ்வளவு எளிதாக இருக்கவில்லை என்றாலும், இலங்கை அணியின் ஆட்டத்தை யாராலும் தடுக்க முடியவில்லை.
13-வது ஓவரில் துபா ஹசான் வீசிய பந்துகளில் இரண்டு சிக்ஸர்கள் மற்றும் ஒரு பவுண்டரியை விளாசிய ஹசினி பெரேரா, தனது தலைவரின் ஓட்ட-வேகத்திற்கு இணையாக துடுப்பாட்டம் செய்தார்.
அதபத்துவுடன் இணைந்து 56 பந்துகளில் 95 ஓட்டங்கள் சேர்த்திருந்த ஹசினி, 14-வது ஓவரின் இறுதியில் 26 பந்துகளில் 42 ஓட்டங்கள் எடுத்த நிலையில் ஆட்டமிழந்தார்.
ஹாசினி ஆட்டமிழந்தபோது, இலங்கை அணிக்கு 36 பந்துகளில் 47 ஓட்டங்கள் தேவைப்பட்டன; ஆனால் அதபத்து மற்றும் ஹர்ஷிதா சமரவிக்ரம ஆகியோர் அந்த இலக்கை எட்ட வெறும் 23 பந்துகளையே எடுத்துக்கொண்டனர்.
இறுதியாக இலங்கை மகளிர் அணி நிர்ணயிக்கப்பட்ட 178 என்ற இலக்கினை 17.5 ஓவர்களில் 2 விக்கெட் இழப்புக்கு எட்டிப்பிடித்தது.
போட்டியில் முதலில் துடுப்பாட்டம் செய்த பாகிஸ்தான் அணி, இலங்கைக்கு எதிராகத் தனது அதிகபட்ச டி20 சர்வதேச (T20I) ஓட்ட எண்ணிக்கையை (177) பதிவு செய்தது.
இருப்பினும், இன்னும் சில ஓட்டங்கள் எடுத்திருக்கலாமோ என்ற உணர்வுடன் அவர்கள் தங்கள் இன்னிங்ஸை நிறைவு செய்திருக்கக்கூடும்.
ஜூல்பிகார் தனது இரண்டாவது டி20 சர்வதேச அரை சதத்தை அடித்தார்,
ஆனால் அவர் எடுத்த 54 ஓட்டங்களுக்கு 50 பந்துகள் தேவைப்பட்டன.
பாகிஸ்தான் அணியின் ஓட்ட உயர்வுக்கு முக்கியக் காரணமாக அமைந்தவர் ஜஃபர்; நான்காவது வரிசையில் களமிறங்கிய அவர், வெறும் 40 பந்துகளில் 71 ஓட்டங்களை குவித்தார்.
இதில் ஒன்பது பவுண்டரிகளும் இரண்டு சிக்ஸர்களும் அடங்கும்.
ஜாஃபர் மற்றும் ஜூல்பிகார் ஆகியோர் மூன்றாவது விக்கெட்டுக்கு 70 பந்துகளில் 115 ஓட்டங்கள் சேர்த்தனர்.
இதில் அதிரடி ஆட்டம் பெரும்பாலும் ஒரு முனையிலிருந்தே வெளிப்பட்டது, மேலும் இந்த இணைப்பில் ஜூல்பிகார் 30 பந்துகளில் 37 ஓட்டங்களை பங்களித்தார்.
