தமிழக சட்டப்பேரவை தேர்தல் காலை ஏழு மணி முதல் ஆரம்பமாகி விறுவிறுப்பாக நடைபெற்று வருகிறது.
காலை 9 மணி நிலைவரப்படி 13.80 சதவீதம் வாக்குப்பதிவு நடைபெற்றுள்ளதாக தமிழக தலைமை தேர்தல் அதிகாரி சத்யபிரதா சாகு தெரிவித்துள்ளார். சென்னையை பொறுத்தவரையில் 10.58 வீதம் வாக்குகள் பதிவாகியுள்ளதாகவும் அவர் குறிப்பிட்டுள்ளார்.
இது கடந்த முறையுடன் ஒப்பிடும் போது 5 வீதம் குறைவாக இருப்பதாகவும் அரசியல் ஆர்வலர்கள் தெரிவித்துள்ளனர்.
பல அரசியல் தலைவர்கள் உள்ளிட்ட பல பிரபலங்களும் தங்களது ஜனநாயக கடமையை ஆற்றி வருகின்றனர்.
அந்தவகையில் நடிகர் விஜய், அஜித், ரஜினி, கமல்ஹாசன், சூர்யா, கார்த்தி, சிவகுமார், ஸ்ருதிஹாசன், சாலனி, உள்ளிட்ட பல திரையுலக பிரபலங்கள் இதுவரை வாக்களித்துள்ளனர்.
அதேநேரம், திமுக தலைவர் மு.க.ஸ்டாலின், உதயநிதி ஸ்டாலின் ஆகியோர் தனது குடும்பத்தினருடன் வாக்களித்துள்ளார், ஓ.பன்னர் செல்வம், சீமான், தமிழிசை சௌந்தரராஜன், எல்.முருகன், பா.சிதம்பரம் உள்ளிட்ட பல அரசியல் தலைவர்களும் இதுவரை வாக்களித்துள்ளனர்.
