இராணுவ உடையினை ஒத்த பொருட்கள் மற்றும் தோட்டாக்களை மறைத்து வைத்திருந்தவர் கைது

அம்பாறை- சொறிக்கல்முனை, வீரச்சோலை பகுதியிலுள்ள வீடொன்றின் காணியில், இராணுவ உடையை ஒத்த பொருட்களை பரல் ஒன்றில் மறைத்து வைத்திருந்த குற்றச்சாட்டில் சந்தேகநபர் ஒருவர் கைது செய்யப்பட்டுள்ளார்.

குறித்த சம்பவத்தில் 64 வயதுடைய சந்தேகநபர் ஒருவரையே நேற்று (சனிக்கிழமை) இரவு, சவளக்கடை பொலிஸார் கைது செய்துள்ளனர்.

குறித்த சந்தேகநபரிடமிருந்த இரு வேறு வகையிலான இராணுவ உடைகள், 2 தோட்டாக்கள் உட்பட மேலும் சில பொருட்களை பொலிஸார் பறிமுதல் செய்துள்ளனர்.

மேலும் சம்பவம் தொடர்பாக சவளக்கடை பொலிஸார், கைது செய்யப்பட்டுள்ள சந்தேகநபரிடம் மேலதிக விசாரணைகளை மேற்கொண்டு வருகின்றனர்.