Kandy Warriors அணியை வீழ்த்தி Jaffna Kings அணி புள்ளிப்பட்டியலில் முதலிடத்திற்கு முன்னேறியுள்ளது.
லங்கா பிரிமியர் லீக்கின் 12வது போட்டியில் Jaffna Kings அணியும், Kandy Warriors அணியும் பலப்பரீட்சை நடாத்தியிருந்தன.
இந்த போட்டியின் நாணய சுழற்சியில் வெற்றிபெற்ற Jaffna Kings அணி களத்தடுப்பில் ஈடுபட தீர்மானித்தது.
இதற்கமைய முதலில் துடுப்பெடுத்தாட களமிறங்கிய Kandy Warriors அணி 12.2 ஓவர்கள் நிறைவில் 2 விக்கட்டுக்களை இழந்து 94 ஓட்டங்களை பெற்றிருந்த போது மழை குறுக்கிட்டது.
இதனைத் தொடர்ந்து Jaffna Kings அணிக்கு டக்வர்த் லூயி முறைப்படி 10 ஓவர்களுக்கு 95 ஓட்டங்கள் வெற்றியிலக்காக நிர்ணயிக்கப்பட்டது.
இதற்கமைய துடுப்பெடுத்தாட களமிறங்கிய Jaffna Kings அணி 8.4 ஓவர்கள் நிறைவில் 03 விக்கட்டுக்களை இழந்து 95 ஓட்டங்களை பெற்று டக்வர்த் லூயி முறைப்படி 07 விக்கட்டுக்களினால் வெற்றி பெற்றுள்ளது.
