இயக்குனர் மணிரத்னம் இயக்கும் படத்தில் நடிக்க ஆர்வம் உள்ளது என நடிகர் பிரபாஸ் தெரிவித்துள்ளார்.
சென்னை வந்த பிரபாஸ் செய்தியாளர்களின் கேள்விக்கு பதிலளிக்கும்போது மேற்படி கூறியுள்ளார்.
தொடர்ந்து தெரிவித்த அவர், ”நான் அதிக சம்பளம் வாங்குவதாக பேசுகிறார்கள். எனது படங்கள் 2 அல்லது 3 வருடங்களுக்கு ஒருமுறைதான் வெளியாகிறது. சம்பளம் பற்றி பேசினால் வரி பிரச்சினை வரும்.
நேரடி தமிழ் படத்தில் நடிக்க ஆர்வம் உள்ளது. பாகுபலி 3-ம் பாகம் வருமா? என்று பலரும் என்னிடம் கேள்வி எழுப்பி வருகிறார்கள். எத்தனை படங்களில் நடித்தாலும் பாகுபலியை என்னால் மறக்க முடியாது. பாகுபலி 3-ம் பாகத்தில் நடிக்க தயாராக இருக்கிறேன். ஆனால் அதை தொடங்குவது இயக்குனர் ராஜமவுலி கையில் உள்ளது” எனத் தெரிவித்துள்ளார்.
