பாகிஸ்தானின் இரகசிய செயற்பாடு?

பாகிஸ்தான் அரசாங்கம், விலையுயர்ந்த சிகரெட் வகைகளுக்கு அதிக வரிகளை அமைதியாக உயர்த்தியுள்ளது.

பாகிஸ்தான் அரசாங்கம் 1,000 சிகரெட்டுகளுக்கு 5,200 ரூபா கலால் வரி விதித்தது, இருப்பினும், தற்போது 6,660 ரூபாவாக உயர்த்தியுள்ளது.

தேசிய வரவு,செலவுத்திட்டத்திற்கு ஒப்புதல் அளிப்பதற்கு முன்னதாக இந்த மாற்றம் செய்யப்பட்டுள்ளதாக தெரிவிக்கப்படுகின்றது.

நாட்டில் புகைபிடிப்பதை ஊக்கப்படுத்தும் சிகரெட்டுக்களின் வரி வரம்பை அரசாங்கம் கருத்தில் கொள்ளவில்லை.

இதனால் உள்நாட்டில் புகைபிடிப்பவர்களினை மறைமுகமாக ஊக்கப்படுத்துவதையே பாகிஸ்தான் அரசாங்கம் முன்னெடுக்கின்றது.

‘புகைபிடிப்பதை ஊக்கப்படுத்துவதற்காக வரிச்சுமையை அதிகரிப்பதை ஆதரித்தவர்களை அரசாங்கம் ஏமாற்றியுள்ளது,’ என்று நாட்டின் புகையிலை கட்டுப்பாடு அமைப்பின் தலைவர் டாக்டர் ஜியாவுதீன் கூறினார்.

வரி விதிக்கக்கூடிய வரம்பு அதிகரித்த பிறகு, புகைபிடித்தல் பாதிப்பு அதிகரிக்கும், நோயின் தாக்கமும் அதிகரிக்கும் என்றும் கூறியுள்ளார்.

மதிப்பீட்டின்படி, 2022-2023 இல் புகையிலை வரி உயர்த்தப்படாவிட்டால் பாகிஸ்தானில் 260,000க்கும் அதிகமானோர் புகைபிடிக்கத் தொடங்குவார்கள், அதேநேரத்தில் புகைபிடித்தல் தொடர்பான நோய்களால் ஒவ்வொரு ஆண்டும் சுமார் 150,000 பேர் உயிரிழக்கின்றனர்.

இதற்கிடையில், நிதியமைச்சர் மிஃப்தா இஸ்மாயில், புகையிலைத் துறையானது, சமீபத்தில் முடிவடைந்த நிதியாண்டில் 150 பில்லியன் ரூபாவை வரியாக செலுத்தியுள்ள நிலையில் அடுத்தாண்டு 225 பில்லியன் ரூபாவை செலுத்தும் என்ற வாக்குறுதி நிறைவேற்றப்படாதிருக்கலாம் என்றும் குறிப்பிடப்பட்டுள்ளது.

எவ்வாறாயினும், விலையுயர்ந்த சிகரெட் வகைகளுக்கு அதிக வரி விதிக்கும் முடிவை கண்டித்த மத்திய நீர்வளத்துறை அமைச்சர் குர்ஷீத் ஷா, சிகரெட்டுகளுக்கு மிகக் குறைந்த வரி விதிக்கும் நாடுகளில் பாகிஸ்தானும் இருப்பதாகக் கூறினார், இது வருவாயைக் குறைப்பது மட்டுமல்லாமல், மக்களின் ஆரோக்கியத்தையும் பணயம் வைக்கிறது என்றார்.

கணிப்புகளின் அடிப்படையில், 2020-2021இல் 2,000 சிகரெட்டுகளை வாங்குவதற்கு தனிநபர் வருமானத்தில் தோராயமாக 4 பேர் தேவைப்பட்டனர், இது 2021-2022இல் 3.6 சதவீதமாகக் குறையும் என்றால் 2022-2023இல் 3.2ச தவீதமாகக் குறையும் என்றும் தெரிவிக்கப்படுகின்றது.

குறைந்த வரி விதிக்கப்பட்ட சிகரெட்டுகள் சந்தையின் பெரும்பகுதியை உள்ளடக்கியது, அதேசமயம் சராசரி கலால் வரி பங்கு சில்லறை விலையில் கிட்டத்தட்ட 45சதவீதமாக உள்ளது, இது சில்லறை விலையில் பரவலாக ஏற்றுக்கொள்ளப்பட்ட அளவுகோலான 70 சதவீதத்தை விட கணிசமாகக் குறைவாகவுள்ளது.