கடந்த குளிர்கால டிரக் போராட்டங்களை முடிவுக்கு கொண்டு வர, ஒருபோதும் பயன்படுத்தப்படாத அவசரகால அதிகாரங்களை செயல்படுத்தியது முற்றிலும் சரியான தேர்வு என கனேடிய பிரதமர் ஜஸ்டின் ட்ரூடோ சாட்சியம் அளித்துள்ளார்.
கனடாவின் அவசரகாலச் சட்டத்தைப் பயன்படுத்துவது குறித்து விசாரிக்கும் விசாரணைக்கு முன்பாக நேற்று (வெள்ளிக்கிழமை) ஆஜரானபோது ட்ரூடோ இந்த கருத்தினை வெளியிட்டார்.
தடுப்பூசி ஆணைக்கு எதிரான போராட்டங்களை முடிவுக்கு கொண்டுவர பொலிஸ்துறையினரிடம் சரியான திட்டம் இருப்பதாக தாம் உணரவில்லை என்றும் அவர் இதன்போது கூறினார்.
போராட்டங்கள் வன்முறை அச்சுறுத்தலை ஏற்படுத்துவதாகவும், எதிர்ப்பாளர்களையும் பொதுமக்களையும் பாதுகாப்பாக வைத்திருப்பதே தனது இலக்கு என்றும் விசாரணையில் அவர் கூறினார்.
பொது ஒழுங்கு அவசர ஆணையத்தின் ஆறு வார விசாரணைகளில் சாட்சியமளிக்கும் இறுதி நபர் ட்ரூடோ ஆவார், இது அவரது அரசாங்கம் சட்டத்தை செயல்படுத்துவதில் நியாயமானதா என்பதை ஆராய்கிறது.
முன்னதாக, கடந்த ஆறு வாரங்களாக பொலிஸ், உளவுத்துறை அதிகாரிகள் மற்றும் எதிர்ப்பாளர்கள் உட்பட டஸன் கணக்கான சாட்சிகளிடம் இந்த குழு விசாரணை நடத்தியுள்ளது.
போராட்டங்கள் ஒட்டாவாவைச் சுற்றி வளைத்து, முக்கிய எல்லைக் கடப்புகளை வாரக்கணக்கில் முடக்கி விட்டன. ஒட்டாவா எதிர்ப்புக்கள் பெப்ரவரி வரை தொடர்ந்தது, மேலும் அம்பாசிடர் பாலம் மற்றும் கவுட்ஸ் எல்லைக் கடக்கும் இடங்களில் முற்றுகைகளை உள்ளடக்கியதாக வளர்ந்தது.
பெப்ரவரி 14 முதல் பிப்ரவரி 23 வரை நடைமுறையில் இருந்த இந்த சட்டம், ஒட்டாவாவிலும் கனடாவின் பிற இடங்களிலும் ‘சுதந்திர கான்வாய்’ போராட்டங்களை மூன்று வாரங்களுக்கு முடிவுக்கு கொண்டுவர உதவியது.
பொதுக் கூட்டத்திற்கு தடை விதிக்கவும், எதிர்ப்பு மண்டலங்களுக்கு பயணம் செய்வதைத் தடை செய்யவும், மற்ற நடவடிக்கைகளுடன் வங்கிக் கணக்குகளை முடக்கும் திறனையும் அது அரசாங்கத்திற்கு வழங்கியது.
ட்ரூடோவின் அவசரகாலச் சட்டத்தின் கோரிக்கையானது அரசாங்க அதிகாரத்தை மீறுவதாகவும், எதிர்கால எதிர்ப்புகளைத் தணிக்க அதைப் பயன்படுத்துவதற்கு முன்னுதாரணமாக அமையும் என்றும் விமர்சகர்கள் கூறுகின்றனர்.
