கனடாவின் டொரண்டோ நகரின் முதல்வருக்கான தேர்தலில் கடும் போட்டி நிலவி வந்த நிலையில், “ஒலிவியா சௌ” தனது முதன்மைப் போட்டியாளரான நகர சபை உறுப்பினர் பிராட் பிராட்போர்டை வீழ்த்தி, மீண்டும் முதல்வராக தெரிவுசெய்யப்பட்டுள்ளார்.
எளிய மற்றும் நடுத்தர மக்களின் “வாழ்க்கைச் செலவுகளைக் குறைத்தல்” என்ற விஞ்ஞாபனத்தை முதன்மையாகக் கொண்டு இவர் இந்த வெற்றியைப் பெற்றுள்ளார் என்பதும் சுட்டிக்காட்டத்தக்கது.
ஒலிவியா சௌ 54.2% அடிப்படையில் தோராயமாக 5,32,201 வாக்குகளும் பிராட் பிராட்போர்ட் 41.1% அடிப்படையில் தோராயமாக 4,04,013 வாக்குகளும் பெற்றனர்.
இதனடிப்படையில், 1,28,000-க்கும் அதிகமான வாக்குகள் வித்தியாசத்தில் ஒலிவியா சௌ மாபெரும் வெற்றி பெற்றுள்ளார்.
வெற்றிக்கொண்டாடத்தின் பின், ஒலிவியா சௌ கருத்து தெரிவிக்கையில்,
“டொராண்டோ மக்கள் தங்கள் முடிவை அறிவித்துவிட்டார்கள். எனக்கு வாக்களித்தவர்கள், வாக்களிக்காதவர்கள், வாக்களிக்கும் உரிமை இல்லாதவர்கள் என டொராண்டோவைத் தங்கள் இல்லமாகக் கொண்டு உழைக்கும் ஒவ்வொருவருக்கும் நான் கூறுகிறேன். நானும் உங்களுக்கான முதல்வர் தான்” என நெகிழ்ச்சியுடன் தெரிவித்தார்.
தோல்வியை ஒப்புக் கொண்ட பிராட் பிராட்போர்ட், ஒலிவியா சௌவுக்குத் தொலைபேசியில் வாழ்த்துத் தெரிவித்ததுடன், மக்களின் தீர்ப்பை ஏற்றுக்கொள்வதாகவும் கூறினார்.
