அக்கரைப்பற்றில் இருந்து களுவாஞ்சிக்குடிக்கு மோட்டார்சைக்கிளில் கஞ்சாவை வியாபாரத்துக்காக் கடத்திச் சென்ற இருவரைப் பெரிய கல்லாறு பகுதியில் வைத்து இன்று அதிகாலை 3 மணியளவில் பொலிஸார் கைது செய்துள்ளனர்.
பொலிஸாருக்குக் கிடைத்த ரகசியத் தகவலையடுத்தே இக்கைது நடவடிக்கை இடம்பெற்றுள்தாகவும், இதன் போது குறித்த நபர்களிடம் இருந்து 9 கிலோ 540 கிராம் கஞ்சாவைப் பொலிஸார் கைப்பற்றியுள்ளனர் எனவும் தெரிவிக்கப்பட்டுள்ளது.
மேலும் கைது செய்யப்பட்வர்கள் அக்கரைப்பற்று 6 ம் பிரிவைச் சேர்ந்த 33, 42 வயதுடையவர்கள் எனவும் இவர்கள் நீண்டகாலமாக கஞ்சாவியாபாரத்தில் ஈடுபட்டுவந்தவர்கள் எனவும் தெரிவிக்கப்பட்டள்ளது.
இந்நிலையில் கைது செய்யப்பட்டவர்கள் களுவாஞ்சிக்குடிப் பொலிஸாரிடம் ஒப்படைக்கப்பட்டுள்ளனர் எனவும் அவர்களை நீதிமன்றில் ஆஜர்படுத்த நடவடிக்கை எடுக்கப்பட்டுள்ளதாகவும், இது தொடர்பான மேலதிக விசாரணைகளை மாவட்ட குற்றவிசாரணைப் பிரிவினர் மேற்கொண்டு வருகின்றனர் எனவும் தெரிவிக்கப்பட்டுள்ளது.
