ஜம்மு காஷ்மீரின் பஹல்காமில் நடந்த பயங்கரவாத தாக்குதலில் 26 உயிரிழந்த ஒரு வாரத்திற்குப் பின்னர் இந்தியப் பிரதமர் நரேந்திர மோடி புதன்கிழமை (30) மத்திய அமைச்சரவை அமைச்சர்களுடன் முக்கிய சந்திப்புகளை நடத்தினார்.
அரசியல் விவகாரங்களுக்கான அமைச்சரவைக் குழுவின் கூட்டத்திற்குத் தலைமை தாங்குவதற்கு முன்பு அவர், பாதுகாப்புக்கான அமைச்சரவைக் குழுவின் கூட்டத்திற்குத் தலைமை தாங்கினார்.
ஏப்ரல் 22 ஆம் திகதி ஜம்மு காஷ்மீரில் நடந்த பஹல்காம் பயங்கரவாத தாக்குதலுக்குப் பின்னர் பிரதமர் மோடி, பாதுகாப்பு அமைச்சர், உள்துறை அமைச்சர், நிதி அமைச்சர் மற்றும் வெளியுறவு அமைச்சர் ஆகியோரைக் கொண்ட பாதுகாப்புக்கான அமைச்சரவைக் குழு சந்திப்பது இது இரண்டாவது முறையாகும்.
இருப்பினும், இது முக்கியத்துவம் வாய்ந்த இரண்டாவது அமைச்சரவைக் கூட்டமாகும்.
அரசியல் விவகாரங்களுக்கான அமைச்சரவைக் குழு (CCPA), மத்திய அமைச்சரவையின் உயர் அமைச்சர்களைக் கொண்டிருப்பதால், ‘சூப்பர் கேபினட்’ என்று அழைக்கப்படுகிறது.
பாலகோட் வான்வழித் தாக்குதலுடன் இந்தியா பதிலடி கொடுத்த புல்வாமா பயங்கரவாதத் தாக்குதலைத் தொடர்ந்து, CCPA கடைசியாக 2019 இல் கூடியது.
தேசிய முக்கியத்துவம் வாய்ந்த முக்கிய அரசியல் மற்றும் பொருளாதார பிரச்சினைகளை மதிப்பாய்வு செய்வதிலும் முடிவெடுப்பதிலும் CCPA முக்கிய பங்கு வகிக்கிறது.
