கொழும்பில் நாளை (25) தொடங்கும் பங்களாதேஷுக்கு எதிரான இரண்டாவது டெஸ்ட் போட்டியிலிருந்து மிலன் ரத்நாயக்க காயம் காரணமாக நீக்கப்பட்டுள்ளார்.
அவருக்குப் பதிலாக இடது கை வேகப்பந்து வீச்சாளர் விஷ்வா பெர்னாண்டோ இணைத்துக் கொள்ளப்பட்டுள்ளார்.
இலங்கை அணியில் சுழற்பந்து வீச்சு சகலதுறை வீர் துனித் வெல்லலகேவும் சேர்க்கப்பட்டார்.
முதல் டெஸ்டுக்குப் பின்னர் டெஸ்ட் கிரிக்கெட்டில் இருந்து ஓய்வு பெற்ற அஞ்சலோ மெத்தியூஸின் இடத்தை 22 வயதான அவர் பூர்த்தி செய்யவுள்ளார்.
காலியில் நடந்த முதல் டெஸ்ட் போட்டியில் மிலன் ரத்நாயக்க முதல் இன்னிங்ஸில் 03 விக்கெட்டுகளையும், இரண்டாவது இன்னிங்ஸில் ஒரு விக்கெட்டினையும் வீழ்த்தியிருந்தமை குறிப்பிடத்தக்கது.
