கலிபோர்னியாவில் அமைந்துள்ள கடற்படை விமான தளத்திற்கு அருகில் ஒரு F-35 போர் விமானம் விபத்துக்குள்ளானது.
மத்திய கலிபோர்னியாவில் உள்ள கடற்படை விமான நிலையம் (NAS) லெமூரில் புதன்கிழமை (30) இந்த விபத்து நிகழ்ந்ததாக அமெரிக்க கடற்படை உறுதிப்படுத்தியது.
விமானப்படை தளத்தின் அதிகாரப்பூர்வ அறிக்கையின்படி, விமானத்தின் விமானி வெற்றிகரமாக வெளியேற்றப்பட்டார், அவருக்கு எந்த காயமும் ஏற்படவில்லை.
இந்த சம்பவம் உள்ளூர் நேரப்படி புதன்கிழமை மாலை 4:30 மணியளவில் நடந்தது.
விபத்து நடந்த இடத்திற்கு அருகில் புகை மூட்டம் எழுவதை சம்பவ இடத்திலிருந்து காட்சிகள் காட்டின.
சேதத்தின் அளவையோ அல்லது தள நடவடிக்கைகளில் ஏற்பட்ட எந்த பாதிப்பையோ கடற்படை இன்னும் வெளியிடவில்லை.
CNN அறிக்கையின்படி, மத்திய கலிபோர்னியாவில் உள்ள ஃப்ரெஸ்னோ நகரிலிருந்து தென்மேற்கே 64 கிலோமீட்டர் தொலைவில் லெமூர் கடற்படை விமான நிலையம் அமைந்துள்ளது.
விபத்திற்கான காரணம் இன்னும் விசாரணையில் உள்ளது.
