இந்த ஆண்டின் இறுதி காலாண்டிற்கான மின்சார கட்டண திருத்தம் தொடர்பான பொதுப் பயன்பாடுகள் ஆணைக்குழுவின் (PUCSL) இறுதி முடிவு நாளை (14) அறிவிக்கப்படும் என்று ஆணையத்தின் தகவல் தொடர்பு பணிப்பாளர் ஜெயநாத் ஹேரத் தெரிவித்துள்ளார்.
இந்த ஆண்டு ஒக்டோபர் முதல் டிசம்பர் வரையிலான இறுதிக் காலாண்டிற்கான மின்சார கட்டணத்தை 6.8 சதவீதமாக உயர்த்துமாறு இலங்கை மின்சார சபை பொதுப் பயன்பாட்டு ஆணையத்திடம் முன்மொழிந்துள்ளது.
இந்த விவகாரம் குறித்து ஒன்பது மாகாணங்களையும் உள்ளடக்கிய பொது ஆலோசனை நடத்தப்பட்டுள்ளதாகவும் அவர் கூறினார்.
அங்கு முன்வைக்கப்படும் கருத்துகள் மற்றும் பரிந்துரைகளை கருத்தில் கொண்டு, மின்சார கட்டண திருத்தம் தொடர்பான PUCSL முடிவு நாளை (14) அறிவிக்கப்படும் என்றும் அவர் மேலும் தெரிவித்தார்.
