சுவிட்சர்லாந்தின் பர்கென்ஸ்டாக் (Burgenstock) மலைப்பகுதி விடுதியில் வெள்ளிக்கிழமையன்று (19) நடைபெறவிருந்த அமெரிக்கா மற்றும் ஈரான் இடையிலான பேச்சுவார்த்தைகள் நடைபெறாது என்று சுவிஸ் வெளிவிவகார அமைச்சு தெரிவித்துள்ளது.
போரை முடிவுக்குக் கொண்டுவருவதற்காக தெஹ்ரான் மற்றும் வொஷிங்டன் இடையே எட்டப்பட்ட ஒப்பந்தத்தைச் செயல்படுத்துவது குறித்த பேச்சுவார்த்தைகளைத் தொடங்க, சுவிட்சர்லாந்தில் ஈரானியப் பேச்சுவார்த்தையாளர்களைச் சந்திக்கத் திட்டமிடப்பட்டிருந்த பயணத்திலிருந்து அமெரிக்கத் துணை ஜனாதிபதி ஜே.டி. வான்ஸ் விலகிக்கொண்டதாக வெள்ளை மாளிகை செய்தித் தொடர்பாளர் ஒருவர் நேற்று இரவு தெரிவித்ததைத் தொடர்ந்து இந்த அறிவிப்பு வெளியானது.
