கடந்த ஆண்டின் இதே காலப்பகுதியுடன் ஒப்பிடுகையில், இவ்வருடம் ஜனவரி முதல் மே மாதம் வரையான காலப்பகுதியில் நாட்டில் சுற்றுலாத்துறை வருவாய் குறைந்துள்ளதாக இலங்கை மத்திய வங்கி (CBSL) தெரிவித்துள்ளது.
மத்திய வங்கி வெளியிட்ட அறிக்கையின்படி, இந்த ஆண்டு ஜனவரி முதல் மே மாதம் வரை ஈட்டப்பட்ட சுற்றுலா வருவாய் 1,360 மில்லியன் அமெரிக்க டொலர்களாக இருந்தது.
இருப்பினும், 2025-ஆம் ஆண்டின் அதே காலகட்டத்தில், சுற்றுலாத்துறை வருவாய் 1,543.1 மில்லியன் அமெரிக்க டொலர்களாகப் பதிவாகியுள்ளது.
முந்தைய ஆண்டின் புள்ளிவிவரத்துடன் ஒப்பிடுகையில், நடப்பாண்டின் முதல் ஐந்து மாதங்களுக்கான சுற்றுலாத்துறை வருவாயில் 11.9 சதவீத சரிவு ஏற்பட்டுள்ளது.
இதற்கிடையில், இந்த ஆண்டு மே மாதத்தில் சுற்றுலா வருவாய் 155.7 மில்லியன் அமெரிக்க டொலராக இருந்தது.
இது 2025 மே மாதத்தில் பதிவான 164.1 மில்லியன் அமெரிக்க டொலருடன் ஒப்பிடத்தக்கது.
இந்த ஆண்டு ஜனவரி முதல் மே மாதம் வரை நாட்டிற்கு வந்த வெளிநாட்டுப் பண அனுப்பீடுகளின் அளவு 3,909.7 மில்லியன் அமெரிக்க டொலர்கள் என்று மத்திய வங்கி தனது அறிக்கையில் மேலும் தெரிவித்துள்ளது.
கடந்த ஆண்டின் இதே காலகட்டத்தில் வெளிநாட்டுப் பண அனுப்பீடுகள் 3,102.2 மில்லியன் அமெரிக்க டொபதிவாகியிருந்தன.
இது, நடப்பாண்டின் முதல் ஐந்து மாதங்களில் பண அனுப்பீட்டு வரத்து குறிப்பிடத்தக்க அளவில் அதிகரித்துள்ளதைக் காட்டுகிறது.
