2012-ஆம் ஆண்டில் மீன்பிடித் துறைமுகம் ஒன்றை தனியார் நிறுவனம் ஒன்றுக்கு குத்தகைக்கு விட்டதன் மூலம் அரசாங்கத்திற்கு நிதியிழப்பை ஏற்படுத்தியதாகக் குற்றம் சாட்டப்பட்ட முன்னாள் மீன்பிடித் துறை அமைச்சர் ராஜித சேனாரத்ன உள்ளிட்ட மூவர் மீதான வழக்கு, கொழும்பு மேல் நீதிமன்றத்தில் இன்று (14) மீண்டும் விசாரணைக்கு எடுத்துக்கொள்ளப்பட்டது.
இந்த வழக்கு கொழும்பு மேல் நீதிமன்ற நீதிபதி மொஹமட் மிகைல் முன்னிலையில் நடைபெற்றது.
நடைமுறைகளின்போது, அரசுத் தரப்பு சாட்சிகளின் வாக்குமூலங்கள் பதிவு செய்யப்பட்டன.
அதனைத் தொடர்ந்து, எதிர் தரப்பு சட்டத்தரணிகள் குறுக்கு விசாரணை நடத்தினர்.
அதன் பின்னர், கூடுதல் சாட்சியங்களைப் பதிவு செய்வதற்கான விசாரணை நவம்பர் 17-ஆம் திகதி வரை ஒத்திவைக்கப்பட்டது.
