யேமனின் சனா மற்றும் பிற மாகாணங்கள் மீது சவுதி அரேபியா நடத்திய தாக்குதல்களுக்குப் பதிலடியாக, சவுதியின் தலைநகரான ரியாத்தில் உள்ள அராம்கோ (Aramco) நிறுவனத்தின் வளாகம் ஒன்றை ஏவுகணைகள் மற்றும் ட்ரோன்கள் மூலம் தாக்கியதாக, ஈரானின் ஆதரவு பெற்ற ஹவுத்தி கிளர்ச்சியாளர்கள் சனிக்கிழமையன்று (03) தெரிவித்தனர்.
ரியாத்தில் உள்ள அராம்கோ நிறுவனத்தின் வளாகப் பகுதியில் சனிக்கிழமையன்று புகை மற்றும் தீப்பிழம்புகள் பெருமளவில் மேலே எழும்புவது தொடர்பான காணொளிகள் சமூக ஊடகங்களில் வெளியாகியுள்ளன.
அராம்கோ நிறுவனத்தின் வளாகம் ஒன்றின் மீது தாக்குதல் நடத்தப்பட்டதாக சவுதி அதிகாரிகளிடமிருந்து உடனடி உறுதிப்படுத்தல் எதுவும் கிடைக்கவில்லை.
சவுதி அரேபியாவின் நகரங்கள் மற்றும் எரிசக்தி உள்கட்டமைப்புகள் மீதான தாக்குதல்களைத் தீவிரப்படுத்தியுள்ள ஹவுத்தி கிளர்ச்சியாளர்களுக்கும் சவுதி அரேபியாவிற்கும் இடையே மோதல்கள் அதிகரித்து வரும் சூழலில், இந்தத் தாக்குதல் சம்பவம் நிகழ்ந்துள்ளது.
யான்புவில் உள்ள சவுதி ஆராம்கோ நிறுவனத்தின் கட்டமைப்புகள் மீது ஏவுகணைகள் மற்றும் ட்ரோன்கள் மூலம் தாக்குதல் நடத்தியதாக ஹூவுத்திகள் கடந்த வாரம் தெரிவித்திருந்தனர்.
தைஃப் மற்றும் யான்பு பகுதிகளை நோக்கி ஹூதிகள் ஏவிய ஆறு பாலிஸ்டிக் ஏவுகணைகளைத் தடுத்து அழித்ததாக அப்போது சவுதி அரேபியா கூறியிருந்தது.
எனினும், ஆராம்கோ கட்டமைப்புகளுக்கு ஏதேனும் சேதம் ஏற்பட்டதாக அது தெரிவிக்கவில்லை.
