போதைப்பொருள் கடத்தல் குற்றச்சாட்டின் பேரில், கொழும்பு மாநகர சபையின் முன்னாள் உறுப்பினர் மஹிந்த கஹந்தகமவையும், மற்றொரு நபரையும் கொழும்பு குற்றப்பிரிவு (CCD) பொலிஸார் கைது செய்துள்ளனர்.
சந்தேக நபர்களிடமிருந்து ‘ஐஸ்’ (படிக மெத்தாம்பேட்டமைன்) போதைப்பொருள் தொகுதியொன்றும் கைப்பற்றப்பட்டுள்ளது.
நேற்றிரவு (05) மிரிஹான பகுதியில் உள்ள உணவகம் ஒன்றின் அருகே கஹந்தகம கைது செய்யப்பட்டதாக பொலிஸார் தெரிவித்தனர்.
இவர் நீண்ட காலமாக போதைப்பொருள் கடத்தலில் ஈடுபட்டு வந்துள்ளமை ஆரம்பகட்ட விசாரணைகளில் தெரியவந்துள்ளது.
கைது செய்யப்பட்ட மற்றைய நபரும் கஹந்தகமவின் போதைப்பொருள் கடத்தல் நடவடிக்கைகளுடன் தொடர்புடையவர் என்று கூறப்படுகிறது.
கைது செய்யப்பட்ட சந்தேக நபர்கள் தொடர்பான மேலதிக விசாரணைகளை மத்திய குற்றப் புலனாய்வுப் பிரிவு (CCIB) மேற்கொண்டு வருகிறது.
