இங்கிலாந்து அணிக்கு எதிரான போட்டியில் தோள்பட்டை காயம் அடைந்த இந்திய அணிவீரர் ஸ்ரேயாஸ் ஐயர், மீதமுள்ள இரண்டு ஒருநாள் போட்டிகளில் விளையாடமாட்டார் என அறிவிக்கப்பட்டுள்ளது.
புனேவில் இடம்பெற்ற இங்கிலாந்து அணிக்கு எதிரான முதலாவது ஒருநாள் போட்டியில் எட்டாவது ஓவரின்போது களத்தடுப்பில் ஈடுபட்டிருந்த ஸ்ரேயாஸ் ஐயருக்கு இடது தோளில் காயம் ஏற்பட்டது.
அவருக்கு அறுவை சிகிச்சை அவசியமா என்ற தகவல்கள் இதுவரை வெளியாகாத நிலையில் குறித்த காயத்தில் இருந்து ஐ.பி.எல். தொடருக்கு முன்னர் அவர் குணமடைவது கடினம் என்றும் அறிவிக்கப்பட்டுள்ளது.
இந்நிலையில் இங்கிலாந்துடனான தொடரைத் தவிர்த்து, ஐ.பி.எல். தொடரில் டெல்லி கப்பிடல்ஸ் அணியின் தலைவராக இருக்கும் ஸ்ரேயாஸ் ஐயர், குறித்த தொடரின் ஒருசில போட்டிகளை தவறவிடுவார் என்றும் தெரிவிக்கப்பட்டுள்ளது.
