நாட்டில் மீண்டுமொரு ஊழல் ஆட்சி ஏற்படுவதற்கு மக்கள் ஒருபோதும் துணை போக கூடாதென மக்கள் நீதி மய்யத்தின் தலைவர் கமல்ஹாசன் தெரிவித்துள்ளார்.
ஊட்டியில் நடைபெற்ற தேர்தல் பிரசார கூட்டத்தில் கலந்துகொண்டு கருத்து தெரிவிக்கும்போதே அவர் இவ்வாறு குறிப்பிட்டுள்ளார்.
குறித்த தேர்தல் பிரசார கூட்டத்தில் கமல்ஹாசன் மேலும் கூறியுள்ளதாவது, “நீலகிரி பகுதியில் கடந்த 50 வருடங்களாக மக்களின் அடிப்படை பிரச்சினைகளுக்கு தீர்வு முன்வைக்கப்படவில்லை.
மேலும் சிறந்த அபிவிருத்தி செயற்பாடுகளும் முன்னெடுக்கப்படவில்லை. நேர்மையான அரசியலை முன்னெடுப்பதற்கு பணப் புழக்கத்தை இல்லாமல் செய்ய வேண்டும்.
அத்துடன் மக்கள் சிந்தித்து செயலாற்ற வேண்டும். ஊழல் ஆட்சிக்கு ஒருபோதும் துணை போகக் கூடாது” என அவர் குறிப்பிட்டுள்ளார்.
