கொரேனா வைரஸ் தொற்று அச்சுறுத்தல் காரணமாக நல்லூர்- திருநெல்வேலி மத்தி வடக்கு- பாற்பணை கிராம அலுவலகர் பிரிவு, முற்றாக தனிமைப்படுத்தப்பட்டுள்ளதாக சுகாதார துறை அறிவித்துள்ளது.
குறித்த பகுதியில் 51பேருக்கு கொரோனா வைரஸ் தொற்று உறுதி செய்யப்பட்டுள்ளமையை தொடர்ந்தே குறித்த பகுதி, இவ்வாறு தனிமைப்படுத்தப்பட்டுள்ளதாக சுகாதார துறையினர் தெரிவித்துள்ளனர்.
மேலும் பாற்பணை கிராமத்துக்கான போக்குவரத்துக்கள் முடக்கப்பட்டுள்ளதுடன் இராணுவத்தினர், பொலிஸார் ஆகியோர் பாதுகாப்பு கடமையில் ஈடுபட்டு வருகின்றனர்.
அண்மையில் திருநெல்வேலி பொதுச் சந்தைக் கடைத் தொகுதி வியாபாரிகள் மற்றும் தொழிலாளர்களுக்கு கொரோனா வைரஸ் தொற்று உறுதிப்படுத்தப்பட்டிருந்தமை குறிப்பிடத்தக்கது.
