எந்ததொரு சூழ்நிலையிலும் மக்களுக்கு ஆதரவாக நாம் நிற்போமென சுற்றுச்சூழல் அமைச்சர் மஹிந்த அமரவீர தெரிவித்துள்ளார்.
நேற்று (திங்கட்கிழமை) நடைபெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும்போதே அவர் இவ்வாறு குறிப்பிட்டுள்ளார்.
குறித்த ஊடகவியலாளர் சந்திப்பில் அவர் மேலும் கூறியுள்ளதாவது, “கனிம மணல் விவகாரத்தில் மக்களின் நிலைப்பாட்டையே நானும் கொண்டிருக்கின்றேன்.
மேலும் இந்தியா அல்லது சீனாவுக்கு விற்கப்படுகிறதா என்பது தொடர்பாக எந்த கேள்வியும் இல்லை. இந்த உரிமையை, ஒரு இந்திய நிறுவனத்திற்கு வழங்க நாங்கள் இன்னும் ஒரு முடிவை எடுக்கவில்லை.
ஆனாலும் மக்களுக்கு ஏதுவான விடயங்களை மாத்திரமே நாம் எப்போதும் முன்னெடுப்பதுடன் அவர்களுக்கு ஆதரவாகவும் இருப்போம்” என அவர் குறிப்பிட்டுள்ளார்.
