மறைந்த எடின்பரோவின் கோமகன் மற்றும் அரசி எலிசபெத்தின் கணவர் ஃபிலிப்பின் நான்கு பிள்ளைகளும் இறுதி ஊர்வலத்தில், அவரது சவப்பெட்டியுடன் நடந்துச் செல்வார்கள் என பக்கிங்ஹாம் அரண்மனை அறிவித்துள்ளது.
இளவரசர் சார்லஸ், ஆண்ட்ரூ, எட்வர்ட் மற்றும் இளவரசி அன்னே, மற்றும் பேரன்கள் இளவரசர்கள் வில்லியம் மற்றும் ஹரி ஆகியோர் விண்ட்ஸரின் செயின்ட் ஜோர்ஜ் சேப்பலுக்கு ஊர்வலத்தில் லேண்ட் ரோவருடன் நடந்துச் செல்வார்கள்.
இதனிடையே இறுதி சடங்கிற்கான விருந்தினர் பட்டியலில் 30 பேர் உள்ளனர். இதில் மூன்று ஜேர்மன் உறவினர்கள் உள்ளனர்.
இவர்கள் முகக்கவசம் மற்றும் சமூக தூரத்தை பின்பற்றி கொவிட்-19 விதிமுறைகளை கடைபிடிப்பார்கள். ராணி தனியாக அமர்ந்திருப்பார்.
இதுகுறித்து அரண்மனை செய்தித் தொடர்பாளர் ஒருவர் கூறுகையில், ‘தற்போதைய பொது சுகாதார வழிகாட்டுதல்களைக் கருத்தில் கொண்டு திட்டங்கள் மாற்றியமைக்கப்பட்டுள்ளன.
ஆனால் அன்றைய சடங்கு அம்சங்களும் சேவையும் இளவரசரின் விருப்பத்திற்கு ஏற்பவே இருக்கின்றன’ என கூறினார்.
