கிளிநொச்சியில் சித்திரைப் புத்தாண்டு விளையாட்டு நிகழ்வு, இன்று (சனிக்கிழமை) காலை 9.30 மணியளவில் சிறப்பாக இடம்பெற்றுள்ளது.
கிளிநொச்சி மாவட்ட செயலகத்தினால் நடத்தப்படும் 2ஆம் மொழி சிங்கள பயிற்சியின் 2ம் அணியினரினால் குறித்த நிகழ்வு ஏற்பாடு செய்யப்பட்டிருந்தது.
கிளிநொச்சி மாவட்ட செயலக தொழிற்பயிற்சி வளாகத்தில் இடம்பெற்ற இந்நிகழ்வில் ஓலை பின்னுதல், தேங்காய் துருவுதல், பலூன் உடைத்தல், யானைக்கு கண் வைத்தல் உள்ளிட்ட பல விளையாட்டுக்கள் இடம்பெற்றன.
இதில் ஆண்கள் மற்றும் பெண்கள் என இருபாலாரும் மிகவும் ஆர்வமாக பங்கேற்றிருந்தமையை அவதானிக்க கூடியதாக இருந்ததாக எமது பிராந்திய செய்தியாளர் தெரிவித்துள்ளார்.
