மன்னார்- பேசாலை பகுதியிலுள்ள மீனவர்கள் மற்றும் தனிமைப்படுத்தலில் இருந்தவர்களுக்கு பீ.சி.ஆர்.பரிசோதனைகள் இன்று (வெள்ளிக்கிழமை) முன்னெடுக்கப்பட்டன.
மன்னார் பிரதேச சபை மற்றும் பேசாலை பொது வைத்தியசாலை ஆகியவற்றில் இன்று காலை 9 மணி முதல் பீ.சி.ஆர்.பரிசோதனைகள் முன்னெடுக்கப்பட்டன.
மன்னார் மற்றும் நானாட்டான் பிரிவுகளை சேர்ந்த சுகாதார வைத்திய அதிகாரிகள் மற்றும் பிராந்திய சுகாதார சேவைகள் பணிமனை உத்தியோகத்தர்கள் இணைந்து குறித்த செயற்பாட்டினை முன்னெடுத்திருந்தனர்.
இதன்போது பேசாலை வைத்தியசாலையில் 349பேருக்கும் பேசாலையிலுள்ள பிரதேச சபை அலுவலகத்தில் 224 பேருக்கும் பீ.சி.ஆர்.பரிசோதனைகள் மேற்கொள்ளப்பட்டன.
மேலும் இவர்களின் மாதிரிகள் கொழும்பு மற்றும் முல்லேரியா வைத்தியசாலைகளுக்கு மேலதிக பரிசோதனைகளுக்காக அனுப்பி வைக்கப்பட்டுள்ளதாக அங்கிருந்து கிடைக்கும் தகவல்கள் தெரிவிக்கின்றன.
