கண்டியில் கொரோனா வைரஸ் தொற்றாளர்களின் எண்ணிக்கை நாளுக்கு நாள் அதிகரித்து வருகின்றது.
இந்நிலையில் நேற்று (சனிக்கிழமை) காலை வரை கடந்த 24 மணித்தியாலத்தில் கண்டியில் புதிதாக 204 பேருக்கு கொரோனா வைரஸ் தொற்று உறுதி செய்யப்பட்டுள்ளது.
மேலும் கொரோனா வைரஸ் தொற்றின் மூன்றாவது அலையில், கண்டி மாவட்டத்தில் மாத்திரம் 5,887 பேர் பாதிக்கப்பட்டுள்ளதாக மாவட்ட சுகாதார சேவை திணைக்களம் தெரிவித்துள்ளது.
கண்டி மாவட்டத்தில்லுள்ள 20 சுகாதார பிரிவுகளின் 20 மருத்துவ அலுவலர்களிடமிருந்து 204 புதிய வழக்குகள் பதிவாகியுள்ளன.
இதற்கிடையில், கண்டியில் கொரோனா வைரஸ் தொற்றினால் இதுவரை 170பேர் உயிரிழந்துள்ளமை குறிப்பிடத்தக்கது.
