கொரோனா அச்சுறுத்தலினால் வருமானத்தை இழந்துள்ள அம்பாறை மாவட்டம், கல்முனை பிரதேச செயலாளர் பிரிவிற்குட்பட்ட பகுதிகளிலுள்ள வறிய குடும்பங்களுக்கு உலருணவு பொருட்கள் வழங்கப்பட்டன.
தமிழ்த் தேசிய மக்கள் முன்னணியின் தலைவரும் நாடாளுமன்ற உறுப்பினருமான கஜேந்திரகுமார் பொன்னம்பலம், செயலாளர், நாடாளுமன்ற உறுப்பினர் செல்லவராசா கஜேந்திரன் ஆகியோரின் ஏற்பாட்டில் குறித்த நிகழ்வு இன்று (சனிக்கிழமை) இடம்பெற்றுள்ளது.
இதன்போது அம்பாறை, பாண்டிருப்பு, இஸ்லாமபாத், கல்முனை உள்ளிட்ட பகுதிகளிலுள்ள வறிய மக்களுக்கு உலருணவு பொருட்கள் வழங்கி வைக்கப்பட்டன.
குறித்த உணவு பொருட்களை தமிழ் தேசிய மக்கள் முன்னணியின் அம்பாறை மாவட்ட இளைஞர் அணித் தலைவர் துசானந்தன் தலைமையிலான குழுவினர், வீடு வீடாக சென்று மக்களுக்கு விநியோகித்துள்ளனர்.
