கொரோனா வைரஸ் தொற்றில் இருந்து குணமடைந்தவர்களின் எண்ணிக்கை ஒரு இலட்சத்து 78 ஆயிரத்து 259 ஆக அதிகரித்துள்ளது.
கொரோனா தொற்றில் இருந்து மேலும் 2 ஆயிரத்து 214 பேர் குணமடைந்து இன்று (செவ்வாய்க்கிழமை) வீடுகளுக்கு திரும்பியுள்ளனர்.
இதனையடுத்தே இந்த அதிகரிப்பு ஏற்பட்டுள்ளதாக சுகாதார அமைச்சின் தொற்று நோயியல் பிரிவு தெரிவித்துள்ளது.
நாட்டில் இதுவரையில் கொரோனா தொற்றுக்கு உள்ளானவர்களின் மொத்த எண்ணிக்கை 2 இலட்சத்து 7 ஆயிரத்து 979 ஆக அதிகரித்துள்ளது.
இதேவேளை, கொரோனா தொற்றினால் உயிரிழந்தோரின் எண்ணிக்கையும் ஆயிரத்து 789 ஆக பதிவாகியுள்ளமையும் குறிப்பிடத்தக்கது.
