திருகோணமலை- நாகராஜா வளவு, இன்று (சனிக்கிழமை) காலை முதல் முடக்கப்பட்டுள்ளது.
குறித்த பகுதியில் அதிகளவான கொரோனா வைரஸ் தொற்றாளர்கள் நேற்று அடையாளம் காணப்பட்டுள்ளனர்.
இந்நிலையில் நாகராஜா வளவினை முடக்குவதற்கு சுகாதார அமைச்சு நடவடிக்கை மேற்கொண்டுள்ளது.
திருகோணமலை சுகாதார வைத்திய அதிகாரி பணிமனை, திருகோணமலை பொது வைத்தியசாலையின் பின்புற வாயில், மாவட்ட அரசாங்க அதிபரின் வாசஸ்தலம் ஆகியவற்றிற்கான போக்குவரத்து நடவடிக்கைகள் காரணமாக, குறித்த பகுதியின் பிரதான வீதியானது முடக்கப்படாமல் அக்குடியிருப்பின் உட்பகுதி வீதிகள் முடக்கப்படுள்ளன.
