யாழில் சினோபார்ம் கொவிட்-19 தடுப்பூசியின் 2 ஆவது டோஸ் வழங்கும் பணி எதிர்வரும் திங்கட்கிழமை ஆரம்பமாகவுள்ளது.
முதல் கட்டமாக சினோபார்ம் கொவிட்-19 தடுப்பூசி பெற்ற 50 ஆயிரம் பேருக்கே இந்த இரண்டாவது டோஸ் வழங்கப்படவுள்ளதாக பிரதமரின் இணைப்புச் செயலாளர் கீதானந்தன் காசிலிங்கம் தெரிவித்துள்ளார்.
இதற்காக சுகாதார அமைச்சினால் 50 ஆயிரம் சினோபார்ம் தடுப்பூசி டோஸ் ஒதுக்கீடு செய்யப்பட்டுள்ளதாகவும் அவர் குறிப்பிட்டுள்ளார்.
யாழ்ப்பாணத்தில் கடந்த மே மாத இறுதியில் 50 ஆயிரம் பொதுமக்களுக்கு சினோபார்ம் கொவிட்-19 தடுப்பூசி வழங்கப்பட்டமை குறிப்பிடத்தக்கது.
