சேதனப் பசளை பயன்பாட்டுக்கு ஜேர்மனி போன்ற மேற்கத்திய நாடுகள் தங்கள் ஆதரவை வழங்கியுள்ளதாக ஜனாதிபதி கோட்டாபய ராஜபக்ஷ நேற்று (திங்கட்கிழமை) மாலை அமைச்சரவைக்கு அறிவித்திருந்தார்.
அவர்களும் முன்னெடுத்துள்ள குறித்த திட்டத்தில் தாக்கம் ஏற்படும் என்பதனால் குறித்த நாடுகளும் சேதனப் பசளை திட்டத்தை திட்டத்திற்கும் ஆதரவை தெரிவிக்க ஆர்வமாக உள்ளதாகவும் அவர் சுட்டிக்காட்டினார்.
நாட்டில் தற்போது விவசாயிகள் போராட்டத்தில் ஈடுபடுவதன் பின்னணியில் சில அரசியல் நோக்கம் இருப்பதாகவும் ஜனாதிபதி இதன்போது சுட்டிக்காட்டினார்.
மேலும் இந்த பருவத்திற்கான உரங்களின் பற்றாக்குறை குறித்து பிரச்சினையில் தலையிட்டு தீர்வை காணவேண்டும் என ஜனாதிபதி அமைச்சர்களிடம் கேட்டுக்கொண்டார்.
இதேவேளை சேதனப் பசளை திட்டத்தை அறிமுகப்படுத்துவதற்கான தனது முடிவை மாற்றியமைக்க போவதில்லை என் ஜனாதிபதி அறிவித்துள்ளார்.
