தபால் துறைக்கு நேரடியாகச் சொந்தமான 114 கிளைகளில் உள்ள தபால் நிலைய ஊழியர்கள், ஊதியம் தொடர்பாக ஒரு நாள் வேலைநிறுத்தப் போராட்டத்தில் ஈடுபட்டுள்ளனர்.
114 கிரவுன் தபால் அலுவலகங்கள், 24 மணிநேர காலத்திற்கு மூடப்படும். இதனால், பிரித்தானியா முழுவதும் உள்ள 11,500 துணை தபால் நிலையங்களில் இருந்து பண விநியோகம் அல்லது வசூல் எதுவும் இருக்காது.
2021-22ஆம் ஆண்டு ஊதிய முடக்கம் மற்றும் அடுத்த ஆண்டு 2 சதவீத உயர்வு குறித்து, தகவல் தொடர்பு தொழிலாளர்கள் சங்கத்தின் உறுப்பினர்கள் கோபமடைந்துள்ளனர்.
ஆனால், தபால் நிலைய ஊழியர்களின் ஒரு நாள் வேலைநிறுத்தப் போராட்டம் குறித்து, தபால் துறை கருத்து தெரிவிக்க மறுத்துவிட்டது.
அதன் 11,000 கிளைகளில் பெரும்பாலானவை வேலைநிறுத்த நடவடிக்கையால் மூடப்படவில்லை என்றும் வழக்கம் போல் செயற்படும் என்றும் தபால் அலுவலகம் தெரிவித்துள்ளது.
