சீனா ஆப்கானிஸ்தான் முழுவதும் தனது பொருளாதார தடத்தை விரிவுபடுத்த வணிக மற்றும் கலாசார இராஜதந்திரத்தில் உறுதியாக கவனம் செலுத்துகிறது.
இருப்பினும், இராஜதந்திர ரீதியில் தனிமைப்படுத்தப்பட்ட நிலையில் இருக்கும் தலிபான்களை ஊக்குவிக்கவும் ஆதரவளிக்கவும் எந்த முயற்சிகளையும் சீனா எடுக்கவில்லை.
காபூல் மற்றும் பீஜிங்கில் வெளியான சமீபத்திய ஊடக அறிக்கைகள் சீன முதலீடுகள் மற்றும் புனரமைப்பு திட்டங்களில் ‘நல்ல’ முன்னேற்றத்தை சுட்டிக்காட்டுகின்றன, என்று கொள்கை ஆராய்ச்சி குழுவான போரெக் தெரிவித்துள்ளது.
யு மிங்குய் போன்ற சீன தொழிலதிபர்கள், ஆப்கானில் அமெரிக்கா தலைமையிலான நேட்டோவின் விலகலுக்குப் பிறகு, அங்கு தங்கியிருந்து நன்மைகளைப் பெற்றுள்ளனர்.
216 மில்லியன் அமெரிக்க டொலர்கள் செலவில் முதல் சீன-ஆப்கானிய கூட்டு முயற்சியாக காபூல் புறநகர் பகுதியில் ஒரு தொழில்துறை ஏற்படுத்தப்படவுள்ளது.
சீனா பாகிஸ்தான் பொருளாதார வழித்தடத்தை ஆப்கானிஸ்தான் மற்றும் அதற்கு அப்பால் விரிவுபடுத்துவது குறித்து பேசப்படுகிறது. சீனா தனது ஆப்கானிஸ்தான் வாங்கும் பொருட்களில் 98 சதவீதத்தை இறக்குமதி வரியிலிருந்து விலக்களித்துள்ளது.
சீன உலகவியல் குழு விரைவில் ஆப்கானின் அய்னாக் செப்புச் சுரங்கத்தில் ஆய்வு மற்றும் பிரித்தெடுக்கும் பணியைத் தொடங்கடவுள்ளது.
ஒரு வருடத்திற்கு முன்பு காபூலைக் கைப்பற்றிய தலிபான்களை ஊக்குவிக்கவும் ஆதரவளிக்கவும் சீனாவும் தனது முயற்சிகளை முடுக்கிவிட்டுள்ளது.
இந்தச் செயற்பாடானது, தலிபான்களுக்கு சர்வதேச அங்கீகாரம் மற்றும் தலிபான் தலைவர்கள் மீதான பயணத் தடையை நீக்குவதற்கான வழக்கை உருவாக்குகிறது.
இதற்கிடையில், கிட்டத்தட்ட நான்கு கோடி மக்களைக் கொண்ட பொருளாதார ரீதியாக பின்தங்கிய ஆப்கான் தேசத்தில் அதன் தடத்தை விரிவுபடுத்துவதற்கு வணிக மற்றும் கலாசார இராஜதந்திரம் தவிர வேறெதுவும் இல்லை என்று போரெக் தெரிவித்துள்ளது.
இந்த இலக்கை நோக்கியே சீனா முதலில் இஸ்லாமிய எமிரேட் தலைவர்களுக்கான பயணத்தடை விலக்கு விவகாரத்திலும், இரண்டாவதாக அதன் பொருளாதார மற்றும் மனிதாபிமான நெருக்கடியிலும் தலிபான் ஆட்சிக்கு உதவி செய்யவதற்கான கூடுதலான கவனத்தைச் செலுத்துகின்றது.
குளோபல் டைம்ஸ் தகவல்களின் படி, சமீபத்திய நிலநடுக்கத்தால் பாதிக்கப்பட்ட குடும்பங்களுக்கு எட்டு மில்லியன் அமெரிக்க டொலர்கள் மதிப்பிலான உதவிகளை வழங்கியுள்ளது.
பாக்கிஸ்தான் மற்றும் ஈரானுக்கு அடுத்தபடியாக ஆப்கானிஸ்தானின் மூன்றாவது பெரிய வர்த்தக பங்காளியாக தகுந்தவாறு சீனா தனது கலாசார இராஜதந்திரத்திற்கு ஒரு பெரிய உந்துதலை அளிக்கிறது.
இது ஆப்கானிஸ்தானில் கலாசார பாரம்பரியத்தை பாதுகாக்க உதவும் அறிஞர்களை பிரதிநிதித்துவப்படுத்தியுள்ளது.
மேலும், பாமியன் பள்ளத்தாக்கில், ஒரு சுத்தப்படுத்துதல் தவிர, பெரும்பாலான குகைகள் அதிகாரபூர்வமாக எண்ணிடப்பட்டு அறிமுகப் பெயர்ப்பலகைகளுடன் நிறுவப்பட்டுள்ளமை குறிப்பிடத்தக்கது.
