எதிர்வரும் தென்னாபிரிக்கா ரி-20 கிரிக்கெட் தொடருக்கான இந்தியக் கிரிக்கெட் அணி விபரம் அறிவிக்கப்பட்டுள்ளது.
ரோஹித் சர்மா தலைமையிலான இந்திய அணியில், சகலதுறை வீரரான தீபக் ஹீடா உபாதைக் காரணமாக உபாதைக் காரணமாக இடம்பெறவில்லை. ஹீடாவுக்கு பதிலாக ஸ்ரேயஸ் ஐயர் அணியில் இணைந்துள்ளார்.
அதேபோல வேகப்பந்து வீச்சாளரான மொஹமட் ஷமி, இன்னமும் காயத்தில் இருந்து முழுமையாக குணமடையாத காரணத்தால் அவரும் இத்தொடரிலிருந்து விலகியுள்ளார். அவருக்கு பதிலாக வேகப்பந்து வீச்சாளரான உமேஷ் யாதவ் அணிக்கு அழைக்கப்பட்டுள்ளார்.
ரோஹித் ஷர்மா தலைமையிலான அணியில், கே.எல் ராகுல், விராட் கோஹ்லி, சூர்யகுமார் யாதவ், ரிஷப் பந்த், தினேஷ் கார்த்திக், ஆர்.அஷ்வின், யுஸ்வேந்திர சாஹல், அக்சர் படேல், அர்ஷ்தீப் சிங், ஹர்ஷல் படேல், தீபக் சாஹர், ஜஸ்பிரித் பும்ரா, உமேஷ் யாதவ் மற்றும் ஷ்ரேயாஸ் ஐயர் ஆகியோர் இடம்பெற்றுள்ளனர்.
தென்னாபிரிக்கா கிரிக்கெட் அணி, மூன்று போட்டிகள் கொண்ட ஒருநாள் தொடர் மற்றும் ரி-20 தொடரில் விளையாடுவதற்காக இந்தியா வந்துள்ளது. இத்தொடரின் முதல் ரி-20 போட்டி, நாளை திருவானந்தபுரத்தில் நடைபெறவுள்ளது.
