சூர்யாவின் 41ஆவது படமான ‘வணங்கான்’ படத்தின் படப்பிடிப்பு, மிக விரைவில் ஆரம்பமாகவுள்ளதாக படக்குழுவினர் அறிவித்துள்ளனர்.
கன்னியாகுமரியில் ஏப்ரல் மாத ஆரம்பத்தில் ஆரம்பிக்கப்பட்ட படப்பிடிப்பு, சில நாட்களிலேயே நிறுத்தப்பட்டது.
சூர்யாவுக்கும் பாலாவிற்கும் இடையே ஏற்பட்ட கருத்து வேறுபாடு காரணமாக இப்படம் கைவிடப்பட்டதாக கிசுகிசுக்கப்பட்டாலும் இதனை மறுத்த தாயரிப்பு நிறுவனம், தற்போது மீண்டும் படப்பிடிப்பு விரைவில் ஆரம்பமாகவுள்ளதாக கூறியுள்ளது.
நந்தா, பிதாமகன் படத்தை தொடர்ந்து பாலா இயக்கத்தில் சூர்யா நடிக்கவுள்ளார். இந்தப் படத்தில் சூர்யாவுக்கு ஜோடியாக க்ரித்தி ஷெட்டி நடிக்கவிருக்கிறார்.
ஜோதிகாவுடன் இணைந்து சூர்யா தனது 2டி எண்டர்டெயின்மென்ட் சார்பாக இப்படத்தை தயாரிக்கிறார். படத்துக்கு ஜி.வி.பிரகாஷ் குமார் இசையமைக்க, பாலசுப்ரமணியம் ஒளிப்பதிவு செய்கிறார்.
