கோறளைப்பற்று தெற்கு, கிரான் பிரதேச செயலகப் பிரிவிற்குற்பட்ட புலிபாய்ந்தகல், கோராவெளி காட்டுப் பகுதியில் T56-2 ரக தானியங்கி தாக்குதல் துப்பாக்கி மற்றும் 08 ரவைகள் என்பன நேற்று(புதன்கிழமை) மீட்கப்பட்டுள்ளன.
இராணுவப்புலனாய்வுப்பிரிவிற்கு கிடைத்த இரகசியத் தகவலுக்கமைவாக மட்டக்களப்பு இராணுவப் புலனாய்வுப் பிரிவினர் களுவாஞ்சிக்குடி விஷேட அதிரடிப்படையினருடன் இணைந்து நடாத்திய தேடுதல் நடவடிக்கையின் போதே இவைகள் கைப்பற்றப்பட்டுள்ளன.
மீட்கப்பட்ட துப்பாக்கி மற்றும் ரவைகள் தொடர்பான மேலதிக விசாரணைகளை வாழைச்சேனை பொலிஸார் முன்னெடுத்து வருகின்றனர்.
