மன்னார் பொது வைத்தியசாலைக்கு மடிக்கணினி மற்றும் தூய்மையாக்கல் திரவங்கள், அன்பளிப்பாக வழங்கி வைக்கப்பட்டுள்ளது.
நேற்று (வியாழக்கிழமை) கொழும்பு தெற்கு றோட்டறி கழக அங்கத்தவர்கள் மற்றும் மன்னார் றோட்டறி கழக அங்கத்தவர்களால் இந்த அன்பளிப்பு, வைத்தியசாலை நிர்வாகிகளிடம் வழங்கப்பட்டது.
கொழும்பு தெற்கு றோட்டறி கழகத்தின் பிரதான நிதி அன்பளிப்புடன், தொற்றுநீக்கி திரவம் 5 பெட்டிகள் வழங்கி வைக்கப்பட்டன.
மேலும், மன்னார் பொது வைத்தியசாலையின் அவசர சிகிச்சை பிரிவின் செயல்பாட்டை மேம்படுத்தும் பொருட்டும் மற்றும் தகவல் சேகரித்தல் செயல்பாடு, இலத்திரனியல் முறையில் தகவல் பரிமாற்ற சேவையினை இலகுபடுத்தும் நோக்கிலும் மன்னார் பொது வைத்தியசாலை முன்வைக்கப்பட்ட வேண்டுகோளுக்கமைவாக மடிக்கணினி ஒன்று அன்பளிப்பு செய்யப்பட்டது.
