கட்டார் ஃபிஃபா கால்பந்து உலகக்கிண்ணத் தொடரின், காலிறுதிப் போட்டிகளில் வெற்றிபெற்று குரேஷியா மற்றும் ஆர்ஜெண்டினா அணிகள் அரையிறுதிக்கு முன்னேறியுள்ளன.
எடிவுகேஷன் விளையாட்டரங்கில் நடைபெற்ற முதல் காலிறுதிப் போட்டியில், பிரேஸில் அணியும் குரேஷியா அணியும் பலப்பரீட்சை நடத்தின.
இப்போட்டியில், பிரேஸில் அணியை பெனால்டி சூட்-அவுட் முறையில் 4-2 என வீழ்த்தி குரேஷியா அணி அரையிறுதிக்கு முன்னேறியது.
லுஸைல் விளையாட்டரங்கில் நடைபெற்ற இரண்டாவது காலிறுதிப் போட்டியில், ஆர்ஜெண்டினா அணியும் நெதர்லாந்து அணியும் மோதின.
இப்போட்டியில், ஆர்ஜெண்டினா அணி 4-3 என்ற பெனால்டி சூட்-அவுட் முறையில் வெற்றிபெற்று அரையிறுதிக்கு தகுதிபெற்றது.
எதிர்வரும் 14ஆம் திகதி லுஸைல் விளையாட்டரங்கில் நடைபெறவுள்ள அரையிறுதிப் போட்டியில், குரேஷியா மற்றும் ஆர்ஜெண்டினா அணிகள் பலப்பரீட்சை நடத்தவுள்ளன.
