திரையுலகினரையும் ரசிகர்களையும் பெரிய ஆச்சரியத்தில் ஆழ்த்திய கன்னட திரைப்படமான ‘காந்தாரா’ படத்தின் இரண்டாம் பாகம் தொடர்பான முக்கிய செய்தியொன்று வெளிவந்துள்ளது.
காந்தாரா படத்தின் இரண்டாம் பாகம் கண்டிப்பாக தயாராகும் என படத்தின் தயாரிப்பாளர் விஜய் கிரகந்தூர் உறுதிப்படுத்தியுள்ளார்.
மேலும், முதல் பாகத்தின் தொடர்ச்சியாகவோ அல்லது முதல் பாகத்துக்கு முந்தைய காலத்து கதையாகவோ அது இருக்கும் என அவர் மேலும் தெரிவித்தார்.
ரிஷப் ஷெட்டி இயக்கி கதாநாயகனாக நடித்து இருந்த காந்தாரா திரைப்படம், தமிழ், தெலுங்கு, ஹிந்தி உள்ளிட்ட மொழிகளில் டப்பிங் செய்து வெளியிடப்பட்டது.
8 கோடி ரூபாய் செலவில் தயாரான காந்தாரா திரைப்படம், 400 கோடி ரூபாய்க்கு மேல் வசூலை குவித்தது. கர்நாடகத்தில் வாழும் பழங்குடி மக்களின் சமய வழிபாட்டை மையமாக வைத்து இப்பம் உருவாகியிருந்தது. படத்தில் இடம்பெற்ற மாடு விரட்டும் காட்சியும், தெய்வகோலா என்கிற சாமியாட்ட காட்சியும் ரசிகர்களை வெகுவாக கவர்ந்தது.
