லைக்கா புரொடக்ஷன்ஸ் தயாரிப்பில் இயக்குநர் விக்னேஷ் சிவன் இயக்கத்தில் அஜித்குமார் நடிக்க உள்ள புதிய படத்திற்கான பணிகள் தற்போது ஆரம்பிக்கப்பட்டுள்ளது.
தற்போது இப்படத்திற்கான கதையினை உருவாக்கும் முயற்சியில் ஈடுபட்டுள்ள இயக்குநர் விக்னேஷ் சிவன், இப்படத்தில் நடிக்கவுள்ள நடிகர், நடிகைகளையும் அவ்அப்போது தேர்வு செய்து வருகின்றார்.
இந்த நிலையில், இந்தத் திரைப்படத்தில் நடிகர் அஜித்குமாருக்கு வில்லனாக நடிகர் அரவிந்த்சாமி நடிக்க ஒப்பந்தமாகியுள்ளதாக தகவல் வெளியாகியுள்ளது.
அதேபோல் நகைச்சுவை கதாபாத்திரத்திற்கு நடிகர் சந்தானத்தை நடிக்க வைப்பதற்கான முயற்சிகளும் நடந்து வருவதாகத் தெரிவிக்கப்பட்டுள்ளது. இதற்கான உத்தியோகபூர்வ அறிவிப்பு விரைவில் வெளியாகும் என எதிர்பார்க்கப்படுகிறது.
