யாழில் இன்று நடைபெறவிருந்த போராட்டத்துக்கு நீதிமன்றம் தடை

சுதந்திர தின நிகழ்விற்கு எதிர்ப்புத் தெரிவித்து யாழில் இன்று சனிக்கிழமை ஏற்பாடு செய்யப்பட்ட போராட்டத்துக்கு நீதிமன்றத்தால் தடை உத்தரவு பிறப்பிக்கப்பட்டுள்ளது.

யாழ்ப்பாணம் தலைமையக பொலிஸ் நிலைய பொறுப்பதிகாரி முன்வைத்த விண்ணப்பத்துக்கு இந்த தடை உத்தரவு பிறப்பிக்கப்பட்டுள்ளது.

யாழ்ப்பாண கலாசார நிலையத்தில் இன்று நடைபெறும் விழாவில் ஜனாதிபதியும் பங்கேற்கவுள்ள நிலையில் அதற்கு எதிர்ப்புத் தெரிவித்து போராட்டத்திற்கு அழைப்பு விடுக்கப்பட்டது.

இந்த நிலையிலேயே நாடாளுமன்ற உறுப்பினர்கள் கஜேந்திரகுமார் பொன்னம்பலம், செல்வராஜா கஜேந்திரன் உள்ளிட்ட 8 பேருக்கு எதிராக இந்த தடை உத்தரவு பிறப்பிக்கப்பட்டுள்ளது.