சதிஷ் கிருஸ்ணனின் இயக்கம்- சர்வலோகநாதன் பவித்தரனின் (எஸ்.பி) மனதை மயக்கும் இசையில் உருவாகியுள்ள ‘புது வித Feel‘ என்ற பாடல் தற்போது இணையத்தில் வைரலாகி வருகின்றது.
றோய் ஜெக்ஸின் இனிமையான குரலில் பாடலாக்கப்பட்டுள்ள இந்தப் பாடல் நிச்சயமாகவே ஒரு ‘புது வித Feel‘ தான்.
இசைக்கு வலுசேர்த்துள்ள இசைக்கலைஞர்கள் ஹருன் ராஜா, Synth and Rhythm Arrangements, றோய் ஜெக்ஸ் மற்றும் லவன் ஆகியோரின் படைப்பு பெறுமதி மிக்கது.
புஸ்ஸல்லாவ கணபதியின் ஆழமான வரிகள் கேட்போரின் செவிகளை மட்டுமல்ல, மனதையும் தொட்டுச் செல்கின்றது.
மெய்சிலீர்க்க வைக்கும் பாடலின் காணொளியின் பிரமிப்பை வடிமைத்த, வரைகலை நிபுணர் நிரஞ்சனின் (நிரா சாமி) கை வண்ணம், பாடாலை மேலும் மெருகூட்டியிருக்கின்றது என்றால் இது மிகையாகாது.
செவி வழிக்கு மட்டுமல்ல கண் வழியேவும் இந்தப் பாடல் ரசிக்கப்படுவதற்கு நிரஞ்சனின் கை வண்ணம் முக்கியமானது.
அதேபோல, கே.எஸ். கண்ணனின் வர்ணம் காணொளியின் அழகை இரட்டிப்பாக்கியுள்ளது.
தரங்க டிலானின் கண்ணுக்கு இதம் தரும் ஒளிப்பதிவில் சிக்கியுள்ள கொலின் டில்ஷான், சுஹந்தி, மனோஜ் குமார், சுலுக்ஷன், திமன், பிரகாஷ், விரோஷன், தகுஷ் மற்றும் ஹிருனின் நடிப்பும் நடனமும் பிரமாதம்.
மொத்தத்தில் ‘புது வித Feel‘… இதுதான் நாங்க கேட்ட Feel
