லங்கா பிரீமியர் லீக் ரி-20 தொடரின் 11ஆவது லீக் போட்டியில், தம்புள்ளை அவுரா அணி 9 ஓட்டங்கள் வித்தியாசத்தில் வெற்றிபெற்றது.
இந்த வெற்றியின் மூலம் தம்புள்ளை அவுரா அணி புள்ளிபட்டியலில் 6 புள்ளிகளுடன் தொடர்ந்தும் முதலிடத்தில் உள்ளது.
கண்டி பல்லேகல மைதானத்தில் நடைபெற்ற இப்போட்டியில் நாணய சுழற்சியில் வெற்றிபெற்ற லைக்காவின் ஜப்னா கிங்ஸ் அணி முதலில் களத்தடுப்பை தீர்மானித்தது.
இதன்படி முதலில் துடுப்பெடுத்தாடிய தம்புள்ளை அவுரா அணி நிர்ணயிக்கப்பட்ட 20 ஓவர்கள் நிறைவில் விக்கெட்டுகள் இழப்புக்கு ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக குசல் பெரேரா 41 ஓட்டங்களையும் சதீர சமரவிக்ரம 30 ஓட்டங்களையும் பெற்றுக்கொண்டனர்.
லைக்காவின் ஜப்னா கிங்ஸ் அணியின் பந்துவீச்சில் சொயிப் மாலிக் மற்றும் நுவான் துசார ஆகியோர் 2 விக்கெட்டுகளையும் மஹேஷ் தீக்ஷன, துனித் வெல்லாலகே ஆகியோர் தலா 1 விக்கெட்டினையும் வீழ்த்தினர்.
இதனைத்தொடர்ந்து 135 என்ற வெற்றி இலக்கை நோக்கி பதிலுக்கு களமிறங்கிய லைக்காவின் ஜப்னா கிங்ஸ் அணியால் 20 ஓவர்கள் நிறைவில் 7 விக்கெட்டுகள் இழப்புக்கு 127 ஓட்டங்களை மட்டுமே பெற முடிந்தது. இதனால் தம்புள்ளை அவுரா அணி 9 ஓட்டங்கள் வித்தியாசத்தில் வெற்றிபெற்றது.
இதன்போது அணியின் அதிகப்பட்ச ஓட்டங்களாக சொயிப் மாலிக் ஆட்டமிழக்காது 64 ஓட்டங்களையும் துனித் வெல்லாலகே 16 ஓட்டங்களையும் பெற்றுக்கொண்டனர்.
புந்துவீச்சில் ஹசன் அலி 2 விக்கெட்டுகளையும் நூர் அஹமட், ஹெய்டன் கெர் மற்றும் பினுர பெனார்டோ ஆகியோர் தலா 1 விக்கெட்டினையும் வீழ்த்தினர்.
