நாட்டில் பாதுகாப்பான சூழலை ஏற்படுத்த முடியாவிட்டால், பொதுப் பாதுகாப்பு அமைச்சர் டிரன் அலஸுக்கு எதிராக நம்பிக்கையில்லா பிரேரணை கொண்டு வரப்படும் என நாடாளுமன்ற உறுப்பினர் லலித் எல்லாவல தெரிவித்துள்ளார்.
அதிகரித்து வரும் குற்றச் செயல்களை நிறுத்தவும் குற்றச்செயல்களில் ஈடுபடும் பாதாள உலகக் குழுக்களின் செயற்பாடுகளை ஒடுக்குவதற்கும் தேவையான நடவடிக்கைகளை எடுக்குமாறு அவர் வலியுறுத்தினார்.
குறைந்த பட்சம் ஒரு மாத காலத்திற்குள் பாதுகாப்பான சூழலை உறுதி செய்ய இயலவில்லை என்றால் அமைச்சர் தனது பதவி விலக வேண்டும் எனவும் நாடாளுமன்ற உறுப்பினர் லலித் எல்லாவல வலியுறுத்தியுள்ளார்.
எவ்வாறாயினும், இதனை நிறைவேற்றத் தவறிய அமைச்சர், பதவியில் இருந்து விலகாவிட்டால், அமைச்சருக்கு எதிராக நம்பிக்கையில்லாப் பிரேரணையை முன்வைப்பதாக உறுதியளித்துள்ளார்.
