கரந்தெனியா, தல்கவத்த பகுதியைச் சேர்ந்த 35 வயதுடைய நபர் ஒருவர் ஃபேஸ்புக் நேரலையின்போது உயிரிழந்த சம்பவம் குறித்து கரந்தெனியா பொலிஸார் விசாரணையைத் தொடங்கியுள்ளனர்.
தினேஷ் விஜேவர்தன என அடையாளம் காணப்பட்ட இவர், தென் கொரியாவில் பல ஆண்டுகள் பணியாற்றிய பின்னர் அண்மையில்தான் நாடு திரும்பியிருந்ததாகத் தெரிவிக்கப்படுகிறது.
பொலிஸாரின் தகவலின்படி, இச்சம்பவம் ஜூலை 12-ஆம் திகதி இரவு நிகழ்ந்தது.
நேரலையின்போது, தற்கொலை செய்துகொள்வதற்கு முன்னதாக அவர் தனது நண்பர்களுடன் உரையாடிக்கொண்டிருந்தது காணப்பட்டது.
அவசர உதவி எண்ணான 119-க்கு வந்த முறைப்பாட்டினைத் தொடர்ந்து தாங்கள் விசாரணையைத் தொடங்கியதாகக் பொலிஸார் தெரிவித்தனர்.
மேலதிக நடைமுறைகளுக்காக அவரது உடல் எல்பிட்டிய வைத்தியசாலையின் பிரேத அறையில் வைக்கப்பட்டுள்ளது.
