“குடும்ப ஆட்சி நிறைவுக்கு வர வேண்டும்” – ஆளும் கட்சியில் இருந்து பிரிந்து சென்ற மற்றுமொரு உறுப்பினர்

ஆளும் கட்சியின் அனுராதபுரம் மாவட்ட நாடாளுமன்ற உறுப்பினர் உத்திக பிரேமரத்ன நாடாளுமன்றத்தில் சுயாதீனமாக செயற்பட தீர்மானித்துள்ளார்.

2020 இல் ஒரு முறைமை (system change) மாற்றத்திற்காக நாடாளுமன்றத்திற்குள் நுழைந்த போதும் அது விரைவாக நடக்கும் என்ற நம்பிக்கை தனக்கு இல்லை என குறிப்பிட்டுள்ளார்.

இந்த நாட்டில் குடும்ப அரசியல் முடிவுக்கு வரவேண்டும் என்றும் தங்களைப் போன்ற சாதாரண இளைஞர்களும் நாட்டுக்கு தலைமை தங்க வேண்டும் என்றும் குறிப்பிட்டுள்ளார்.

ஆகவேதான் நாடாளுமன்றத்தில் சுயாதீனமாக செயற்பட தான் தீர்மானித்துள்ளதாக நாடாளுமன்ற உறுப்பினர் உத்திக பிரேமரத்ன நாடாளுமன்றத்தில் அறிவித்துள்ளார்.