புத்தளத்தில் அடையாளம் தெரியாத ஆண் ஒருவரின் சடலமொன்று நேற்று (18) மீட்கப்பட்டுள்ளது. குறித்த நபர் 55 முதல் 60 வயதிற்கு இடைப்பட்டவர் எனவும்,சுமார் 05 அடி 03 அங்குலம் உயரம் உடையவர் என்றும், தெரிவிக்கப்பட்டுள்ளது.
அத்துடன் அவர் வெளிர் நிற சட்டை ,கறுப்பு நிற நீண்ட காற்சட்டை மற்றும் பழுப்பு நிற காலணிகளை அணிந்திருந்தார் எனவும் தெரிவிக்கப்பட்டுள்ளது.
இந்நிலையில் அவரது சடலம் புத்தளம் ஆதார வைத்தியசாலையின் பிரேத அறையில் பிரேத பரிசோதனைக்காக வைக்கப்பட்டுள்ளது என்றும் இது குறித்து மேலதிக விசாரணைகள் முன்னெடுக்கப்பட்டு வருவதாகவும் பொலிஸார் தெரிவித்துள்ளனர்.
