இளைய தளபதி விஜய்யின் ‘லியோ’ திரைப்பட வெற்றியை இரசிகர்கள் கொண்டாடி மகிழ்ந்துவரும் நிலையில், அவர்களுக்கு ‘இசை பிரியன்’ எஸ்.பி. செம்ம ட்ரீட் வைத்துள்ளார்.
பொதுவாக இளைய தளபதி விஜய்யின் படங்களில், திரைப்படம் ஆரம்பமாகிய சிறிது நேரத்திலேயே இன்ட்ரோ பாடல் இருக்கும். ஆனால், லியோ திரைப்படத்தில் அந்தப் பாடல் இரண்டாவது பாதியிலேயே இருந்ததால் ஏக்கத்தில் இருந்த இரசிகர்களுக்கு ‘இசை பிரியன்’ எஸ்.பி.இன் ‘ஒன்னு உட்டா’ குத்துப்பாடல் ஆறுதலை அளித்துள்ள அதேவேளை இரசிகர்களை ஆட்டம் போடவும் வைத்துள்ளது என ‘இசை பிரியன்’ எஸ்.பி.இன் இரசிகர்கள் சமூகவலைதளங்களில் புகழாரம் சூட்டிவருகின்றனர்.
கடந்த வாரம் அறிவிக்கப்பட்டதற்கு அமைய நேற்று (வியாழக்கிழமை) சிவபானி சர்வலோகநாதனின் தயாரிப்பில் உருவாகிய ‘ஒன்னு உட்டா’ எனும் ஆரம்பமாகும் குத்துப்பாடல், மாலை 6 மணிக்கு i Musician official i R star SP யூடிப் வலைத்தளத்தில் வெளியாகி இரசிகர்கள் மத்தியில் நல்ல வரவேற்பை பெற்றது.
இதுவரை காலமும் இனிமையான மற்றும் இதமான பாடல்களை தனது இரசிகர்களுக்கு பரிசளித்துவந்த ‘இசை பிரியன்’ எஸ்.பி., இம்முறை புதிய முயற்சியை கையில் எடுத்து அதில் வெற்றியையும் கண்டுள்ளார்.
லியோ திரைப்படம் எவ்வாறு வெற்றியளித்துள்ளதோ, அதே வெற்றியை ‘இசை பிரியன்’ எஸ்.பி.இன் ‘ஒன்னு உட்டா’ குத்துப்பாடலும் பதிவாக்கியுள்ளது என்றால் அது மிகையாகாது. பாடல் கேட்க தூண்டாதவர்களையும் ஒரு கணம் தாளாட்டம் போட வைக்கும் ‘இசை பிரியன்’ எஸ்.பி.இன் இசை, இந்த வெற்றியை உறுதிசெய்துள்ளது.
ரோய் ஜெக்ஸனின் கம்பீரமான குரலும் இந்தப் பாடலின் வெற்றிக்கு பங்களித்திருக்கின்றது. கண்னை மயக்கும் கண்ணனின் எடிட்டிங் கதை சொல்ல, நிரா சாமியின் சிஜி மற்றும் அனிமேஷன் பிரம்மிக்க வைத்துள்ளது.
கடந்த வெற்றி கூட்டணியை வெற்றிகரமாக இணைத்து வெற்றி கண்டுள்ள ‘இசை பிரியன்’ எஸ்.பி.க்கு ஆதவனின் வாழ்த்துக்கள்.
உங்களின் அடுத்தப் படைப்பினை எதிர்பார்க்கின்றோம்…
